Астанада ауыр атлетиканы дамыту: Федерация құрама командамен алғашқы кездесу өткізді
«Алатау» спорт кешенінде «Астана қаласының ауыр атлетика федерациясы» қоғамдық бірлестігі басшылығының қала құрама командасының жаттықтырушылар құрамы және спортшыларымен алғашқы жұмыс кездесуі өтті. Іс-шараға Федерация президенті А.Қ. Әбілдинов төрағалық етті.
Талқылаудың басты тақырыбы астанадағы ауыр атлетиканың қазіргі жай-күйі, материалдық-техникалық жарақтандыру мәселелері және астаналық спортшылардың республикалық және халықаралық аренадағы бәсекеге қабілеттілігін арттыру стратегиясы болды.
Кеңес барысында құрама команданың бас жаттықтырушысы ауыр атлеттерді дайындау процесі, команда құрамы және негізгі шаруашылық мәселелер туралы толық баяндама жасады.
Жұмыстың басым бағыттары
Талқылау қорытындысы бойынша Федерация президенті А.Қ. Әбілдинов басым бағыттарды белгіледі:
- Инфрақұрылымды жаңғырту — жаттығу базасын жетілдіру және жоғары деңгейдегі спортшыларды дайындау үшін қолайлы жағдай жасау.
- Жаттығу залын жөндеу — жаттығу залындағы қалпына келтіру жұмыстарын жеделдету бойынша «Алатау» СК әкімшілігімен бірлескен жұмыс.
- Балама алаңдар — команданың үздіксіз жаттығу процесін қамтамасыз ету үшін қаланың қосымша залдарын тарту.
Астана қаласының ауыр атлетика федерациясы астананың спорттық әлеуетін нығайту және қазақстандық атлеттер үшін сапалы жағдай жасау бойынша жоспарлы жұмысын жалғастыруда.
Фоторепортаж
Толық өлшемде ашу үшін фотоны басыңыз
